Վրացի հյուրերը առավոտյան ժամը 9-ին պարտաճանաչ արդեն Մայր դպրոցում էին՝ մասնակցում էին առավոտյան ընդհանուր պարապմունքին: Միասին երգեցինք և՛ Համբարձման ծեսի երգերից, և՛ վրացերեն: Պարապմունքն ավարտվեց միասնական Կարնո քոչարիով:
Այնուհետև, սովորողները բաժանվեցին փոքր խմբերի և մասնակցեցին տարբեր դասերի՝ քիմիա, ֆիզիկա, երգ, պար, անգլերեն, վրացերեն: Հիացած էին հատկապես քիմիայի դասով, քանի որ հասցրեցին անգամ փորձ անել:
Ժամը 11-ին, ըստ ծրագրի, մեկնեցին Էջմիածին, զբոսնեցին, նկարվեցին: Ճամփորդությունից վերադառնալով դպրոց՝ կրկին բաժանվեցին փոքր խմբերի և ըստ իրենց ընտրության միացան մարզական ակումբներին:
Մեր հյուրերը նաև առիթ ունեցան մասնակցել Արևելյան դպրոցի հիանալի, բազմերանգ շոու-համերգին, իրենք էլ միացան ու հավեսով երգեցին ու պարեցին: Համերգից հետո խումբը եղավ նաև ագարակում:
Օրը հագեցած էր, բայց սա դեռ վերջը չէ…. Այսօր մեզ սպասում է իրիկնային Երևանը:
Շարունակելի….
Armenian-Georgian Clubs 
Pingback: Չորս օր բոլնիսցիների հետ – Armenian-Georgian Clubs